தந்தி டிவி செய்தி எதிரொலி : நிமோனியா நோய் தாக்கி ஆடுகள் உயிரிழப்பு - ஆய்வு செய்த ஆட்சியர்

சிவகங்கை மாவட்டம் மானாமதுரை சுற்றுப்பகுதிகளில், செம்மறி ஆடுகள்  மர்ம நோயால் கொத்துக் கொத்தாக இறக்கும் செய்தி தந்தி டிவியில் நேற்று ஒளிபரப்பானது. இதன் எதிரொலியாக, சிவகங்கை ஆட்சியர் மதுசூதன் ரெட்டி ஆடுகள் வளர்க்கும் விவசாயிகளை சந்தித்து, நோயின் தாக்கம் குறித்து கேட்டறிந்தார். இது குறித்து அவர் செய்தியாளர்களுக்கு அளித்த பேட்டியில், செம்மறி ஆடுகள் மர்ம நோயால் இறப்பதை அறிந்து உடனடியாக மருத்துவக் குழுவை அனுப்பி வைத்ததாகத் தெரிவித்தார். மேலும், பரிசோதனை முடிவில் ஆடுகள் நிமோனியா நோய் தாக்கி இறந்துள்ளது தெரிய வந்துள்ளதாகவும், தொடர்ந்து ஆடுகள் பாதிப்பிற்குள்ளான கிராமங்களில் கால்நடை துறையினர் மருத்துவ முகாம் அமைத்து  பணியில் ஈடுபடுவார்கள் என்றும் கூறினார்.