குன்னூர் : தேயிலை பறித்து எம்.பி. கனிமொழி, தேர்தல் பிரசாரம்

குன்னூர் கேத்தி அருகே தேயிலை தோட்ட பெண் தொழிலாளர்களை சந்தித்த திமுக எம்.பி. கனிமொழி அவர்களிடம் குறைகளை கேட்டறிந்தார். விடியலை நோக்கி ஸ்டாலினின் குரல் என தேர்தல் பிரசாரம் மேற்கொண்டுள்ள அவர், நீலகிரி மாவட்டத்துக்கு சென்றார். அண்ணா சிலைக்கு மாலை அணிவித்து மக்களிடையே பிரசாரத்தை துவக்கிய அவர், அருவங்காடு வெடிமருந்து தொழிற்சாலை தொழிலாளர்களின் குறைகளை கேட்டறிந்தார். பின்னர் ஊட்டிக்கு புறப்பட்ட அவர், தேயிலையை பறித்தவாறு தொழிலாளர்களிடம் பேசினார். அப்போது, நீண்ட நாட்களாக சாலை வசதி கோருவதாக கூறினர். திமுகஆட்சிக்கு வந்தவுடன் நிறைவேற்றி தருவதாக உறுதி அளித்த கனிமொழி, பின்னர், அங்கிருந்து ஊட்டி சென்றார்.