மறுகூட்டல் மற்றும் சான்றிதழ்கள் பெற எப்போது விண்ணப்பிப்பது? - தனிமைப்படுத்தப்பட்ட பகுதிகளில் உள்ள மாணவர்கள் கேள்வி

கொரோனாவால் தனிமைப்படுத்தப்பட்ட பகுதிகளில் உள்ள மாணவர்கள் மறுகூட்டல் செய்யவும்  சான்றிதழ்கள் பெறவும் பின்னர் வரலாம் என தலைமைச் செயலாளர் தெரிவித்திருக்கிறார். இதற்கு இம்மாதம் 30ஆம் தேதி கடைசி நாள் என தேர்வுத்துறை அறிவித்திருக்கிறது. அப்படி இருக்கும்போது தனிமைப்படுத்தப்பட்ட பகுதிகளில் உள்ள மாணவர்கள் எவ்வாறு விண்ணப்பம் செய்வது என்பது குறித்து தேர்வுத்துறை சரியான விளக்கம் அளிக்கவில்லை என கூறப்படுகிறது. இது குறித்து தலைமைச் செயலாளர் வெளியிட்ட அறிவிப்பிலும் முழுமையான தகவல் இல்லாததால் மாணவர்கள் அதிர்ச்சி அடைந்துள்ளனர்.