திருட்டு வழக்கில் கணவன் கைது - காவல் நிலையம் முன்பு மனைவி தீக்குளிப்பு

புதுக்கோட்டையில், காவல் நிலையம் முன்பு பெண் ஒருவர் தீக்குளித்ததால் பரபரப்பு ஏற்பட்டது. காந்திநகரை சேர்ந்த ராஜேந்திரன் என்பவரை போலீசார் திருட்டு வழக்கில் கைது செய்துள்ளனர். திருடப்பட்ட பொருட்களை ராஜேந்திரன் வீட்டில் தேடிய போலீசார் அவரது மனைவி செல்வியை கடுமையாக எச்சரித்ததாக கூறப்படுகிறது. இந்நிலையில் அறந்தாங்கி காவல் நிலையத்திற்கு விசாரணைக்கு வந்த செல்வி தீக்குளித்து தற்கொலை முயற்சியில் ஈடுபட்டுள்ளார். உடனடியாக அவரை போலீசார் மீட்டு மருத்துவமனையில் சேர்த்தனர்.