மீனவர் வலையில் சிக்கிய வெடிகுண்டு - நிபுணர்கள் உதவியுடன் செயலிழப்பு

மயிலாடுதுறை மாவட்டம் திருமுல்லைவாசலில் கடந்த 15ம் தேதி மீனவர்கள் வலையில் ஒரு மீட்டர் உயரமும் 11இன்ச் சுற்றளவும் கொண்ட சிகப்பு நிற சிலிண்டர் போன்ற பொருள் சிக்கியது. இது குறித்து மீனவர்கள் அளித்த தகவலின் பேரில் சீர்காழி போலீசார் மற்றும் கடலோர காவல்படை கியூ பிரிவு போலீசார்  அந்த பொருளை கைப்பற்றி, பாதுகாப்பான இடத்தில் மண்ணில் புதைத்து வைத்து விசாரித்து வந்தனர். பின்னர் மண்ணுக்கு அடியில் பாதுகாப்பாக வைக்கப்பட்ட அந்த வெடிகுண்டு மின்சார பேட்டரிகள் இணைப்புடன் வெடிக்க வைக்கப்பட்டது.  இந்த வெடிகுண்டு நீர்மூழ்கி கப்பல் மற்றும் விமானத்திலிருந்து, கப்பல் உள்ளிட்ட எதிரி இலக்கை தாக்க பயன்படுத்தப்படும் என்பது  தெரியவந்துள்ளது.