இன்று ஒரே நாளில் சவரன் ரூ.224 உயர்வு - ஒரு சவரன் ரூ.32,800 க்கு விற்பனை

தங்கம் விலை தொடர்ந்து உயர்ந்து வரும் நிலையில், இன்று சவரனுக்கு 224 ரூபாய் விலை ஏற்றம் கண்டது. சென்னையில் ஒரு சவரன் தங்க நகை 32 ஆயிரத்து 800 ரூபாய்க்கும், ஒரு கிராம் 4 ஆயிரத்து 100 ரூபாய்க்கும் விற்பனையாகிறது. கடந்த வார இறுதியில் ஒரு சவரன் 32 ஆயிரத்து 576 ஆக விற்பனையான நிலையில், இன்று 224 ரூபாய் விலை ஏற்றம் கண்டுள்ளதால், மக்கள் அதிர்ச்சி அடைந்துள்ளனர். கடந்த ஒரு வாரத்தில் மட்டும் சுமார் ஆயிரத்து 600 ரூபாய் விலை ஏற்றம் கண்ட நிலையில், இந்த வார தொடக்கத்திலும் விலை ஏற்றம் தொடர்கிறது. கோரோனா வைரஸ் பாதிப்பு காரணமாக ஏற்றுமதி -இறக்குமதி வர்த்தகம் பாதிக்கப்பட்டுள்ளதால், தங்கத்தில் முதலீடு செய்வது அதிகரித்து வருவதாக சந்தை நிபுணர்கள் தெரிவித்துள்ளனர். இதனால் விலை ஏற்றம் தொடரும் என்றும் குறிப்பிட்டுள்ளனர்.