100 நொடிகளில் 100 கணக்கு - மூன்று மாணவர்கள் உலக சாதனை

கும்பகோணத்தில் தேசிய அளவில் நடந்த அபாகஸ் போட்டிகளில் மூன்று மாணவர்கள் உலக சாதனை படைத்தனர். முன்னோர்கள் பயன்படுத்திய கணித முறையை தெரியப்படுத்தும் வகையில் தேசிய அளவிலான அபாகஸ் போட்டிகள் கும்பகோணத்தில் நடைபெற்றது. இதில் பல்வேறு மாநிலங்களில் இருந்தும் 524  மாணவர்கள் பங்கேற்றனர். இதில், ஒன்றாம் வகுப்பு முதல் 7ஆம்  வகுப்பு வரை பயிலும் மாணவர்கள் பங்கேற்ற போட்டிகளில், ஸ்ரீ வர்ஷன், தர்ஷினி, ஹரிணி ஆகிய மூவரும் மனக்கணக்கு முறையில்,100 நொடிகளில் 100 கணக்குகளை சமன் செய்து, உலக சாதனை படைத்தனர். இது விரிக்‌ஷா (Vriksha) வேர்ல்டு ரெக்கார்டு புத்தகத்தில் பதிவு செய்யப்பட்டது.