மாயமான 3 மாணவிகள் மீட்பு : செல்போன் செயல்பாடு மூலம் கண்டறிந்தது தனிப்படை

கொடைக்கானல் நகரில் மாயமான 3 மாணவிகளை செல்போன் செயல்பாடு மூலம் கண்டறிந்து தனிப்படை போலீசார் அழைத்துவந்து பெற்றோரிடம் ஒப்படைத்தனர். இந்திரா நகரைச் சேர்ந்த 3 மாணவிகள் பள்ளி மற்றும் கல்லூரிக்கு சென்று விட்டு வீடு திரும்பவில்லை என கூறப்படுகிறது. இது குறித்து பெற்றோர்கள், காவல்நிலையத்தில் புகார் அளித்தனர். இதை தொடர்ந்து மாணவிகளின் செல்போன் செயல்பாட்டின் மூலம் அவர்கள் தேனி மாவட்டம் வருசநாடு பகுதியில் இருப்பது தெரியவந்தது. பின்னர் அங்கு சென்ற தனிப்படை போலீசார் 3 பேரையும் மீட்டு பெற்றோரிடம் ஒப்படைத்தனர்.