மார்த்தாண்டம் அருகே நகைக்கடையில் 2 கிலோ தங்கம் கொள்ளை
மார்த்தாண்டம் அருகே தொழிலதிபர் ஒருவரின் வீடு மற்றும் நகைக்கடையில் இருந்து 2 கிலோ தங்கம், 2 லட்சம் ரூபாய் பணம் கொள்ளையடிக்கப்பட்டது.
மடத்துவிளை பகுதியை சேர்ந்த தொழிலதிபர் ஆசைதம்பிக்கு சொந்தமாக, பல வர்த்தக நிறுவனங்கள் உள்ளன. இவரது வீட்டிற்குள் நள்ளிரவு புகுந்த கொள்ளையன், பூஜை அறையில் இருந்த 50 சவரன் நகையை திருடினான். மேலும், அங்கிருந்த கடை சாவியை எடுத்துக் கொண்டு மார்த்தாண்டம் பேருந்துநிலையத்திற்கு முகமூடி கொள்ளையன் விரைந்தான். அங்கு நகைக்கடையை திறந்து அங்கிருந்த ஒன்றரை கிலோ நகைகளை கொள்ளையடித்துச் சென்றான். இது குறித்து தொழிலதிபரின் மகன் விஜயன் அளித்த புகாரின் பேரில், வழக்கு பதிவு செய்த போலீசார், கொள்ளை சம்பவத்தின் போது சிசிடிவியில் பதிவான காட்சிகளை வெளியிட்டு, மர்ம நபரை தேடி வருகின்றனர்.