பொள்ளாச்சி அருகே பாஜக ஊராட்சி தலைவர் வேட்பாளர் மீது தாக்குதல்

கோவை மாவட்டம், பொள்ளாச்சி அருகே, ஊராட்சி தலைவர் பதவிக்கு போட்டியிட்ட பா.ஜ.க பிரமுகர் மீது மர்ம நபர்கள் தாக்குதல் நடத்தியதால் பரபரப்பு ஏற்பட்டது. அங்குள்ள சின்னாம்பாளையம் ஊராட்சி தலைவர் பதவிக்கு பா.ஜ.க பிரமுகர் சிவசங்கர் என்பவர் போட்டியிடுகிறார். இறுதிகட்ட தேர்தல் பிரச்சாரம் முடிவடைந்து, ஆதரவாளர்களுடன் வந்து கொண்டிருந்த அவரை, மர்மநபர்கள் தாக்கியதாக கூறப்படுகிறது. இதில் காயமடைந்த அவர்  பொள்ளாச்சி அரசு மருத்துவமனையில் சிகிச்சை பெற்று வருகிறார். இந்த சம்பவத்தால் அங்கு பரபரப்பு ஏற்பட்டது.