ஆர்.கே.நகர்: ஒரு நம்பர் லாட்டரி விற்பனை - 5 பேர் கைது

சென்னை ஆர்.கே.நகர் சுற்றுவட்டார பகுதியில் ஒரு நம்பர் லாட்டரி விற்பனையில் ஈடுபட்ட 5 பேரை, போலீசார் கைதுசெய்தனர்.

தண்டையார்பேட்டை நேதாஜி நகரில், ரகசிய தகவலின் பேரில் வாகன சோதனையில் ஈடுபட்ட ஆர்.கே.நகர் போலீசார், ஆட்டோவில் சந்தேகத்திற்குரிய வகையில் அமர்ந்திருந்த 4 பேரை பிடித்து விசாரித்தனர். விசாரணையில், அவர்கள் அதேபகுதியை சேர்ந்த அபிபுல் ரகுமான், செல்வம், பாபு, ராஜேஷ் என்பதும்,  அப்பகுதியில் முறைகேடாக ஒரு நம்பர் லாட்டரியை விற்பனை செய்து வந்ததும் தெரியவந்தது. இதனையடுத்து 4 பேரையும் கைதுசெய்த போலீசார், அவர்களிடம் இருந்து பணத்தை பறிமுதல் செய்தனர். இதேபோல், புதுவண்ணாரப்பேட்டை பகுதியில் செல்போன் மூலம் ஒரு நம்பர் லாட்டரி விற்பனை செய்த ஜெயின் என்பவர் கைதுசெய்யப்பட்டார்.