மீனவர்களை விரட்டியடித்த இலங்கை கடற்படை - பெரும் நஷ்டம் என மீனவர்கள் வேதனை

இலங்கை கடற்படை விரட்டியதால் மீன் பிடிக்க முடியாமல் பெரும் நஷ்டத்துடன் திரும்பியதாக ராமேஸ்வரம் மீனவர்கள் தெரிவித்துள்ளனர். அரசு அனுமதியுடன் 600க்கும் மேற்பட்ட விசைப்படகுகளில் மீனவர்கள் கடலுக்கு சென்றனர். புதுக்கோட்டை மீனவர்கள் கைது செய்யப்பட்ட நிலையில், ராமேஸ்வரம் மீனவர்களையும் சிறைபிடிக்க இலங்கை கடற்படை விரட்டியுள்ளது. இதனால் வலைகளை விட்டு விட்டு வேகமாக இந்திய எல்லைக்குள் வந்ததாகவும், இதனால் பெரும் நஷ்டம் ஏற்பட்டுள்ளதாகவும் மீனவர்கள் வேதனை தெரிவித்தனர்.