சிவகங்கை : பள்ளி மாணவர்களுக்கு நாற்று நடும் பயிற்சி

சிவகங்கை மாவட்டத்தில்  விவசாயத்தை அறிந்து கொள்ளும் நோக்கில், பள்ளி மாணவர்களுக்கு நெல் நாற்று நடவு  பயிற்சி அளிக்கப்பட்டது. அங்குள்ள தனியார் பள்ளி மாணவர்கள், நாட்டரசன்கோட்டையில் உள்ள வேளாண் பண்ணைக்கு அழைத்து வரப்பட்டனர். வயலில் நாற்று நடும் முறை குறித்து அவர்களுக்கு நேரடி செயல்விளக்கம் அளிக்கப்பட்டது. பின்னர், உற்சாகமாக வயலில் இறங்கிய மாணவர்கள், நெல் நாற்றுகளை ஆர்வமுடன் நடவு செய்தனர். இதைதொடர்ந்து, பயிர்களின் விதைப்பு முதல் அறுவடை வரையிலான பணிகள் குறித்த விவசாயிகளிடம் மாணவர்கள் கேட்டறிந்தனர்.