இருசக்கர வாகனம் மீது டேங்கர் லாரி மோதி விபத்து : 3 இளைஞர்கள் சம்பவ இடத்திலேயே உயிரிழப்பு

திருவள்ளூர் மாவட்டம் சோழவரம் அருகே இருசக்கர வாகனம் மீது டேங்கர் லாரி மோதிய விபத்தில் 3 இளைஞர்கள் உயிரிழந்தனர். பள்ளிப்புரத்தை சேர்ந்த அஜித், செங்குன்றத்தில் இருந்து இருசக்கர வாகனம் மூலம் வீட்டிற்கு திரும்பி சென்றுள்ளார். அவருடன் சீமாவரம் பகுதியை சேர்ந்த சந்துரு, மாரி ஆகியோரும் சென்றுள்ளனர். இந்நிலையில் சோழவரம் அருமந்தை பகுதியில் வண்டலூர் - மீஞ்சூர் வெளிவட்ட சாலையில் சென்றபோது இருசக்கர வாகனம் எதிரே வந்த டேங்கர் லாரி மீது மோதியது. இந்த விபத்தில் மூவரும் சம்பவ இடத்திலேயே உயிரிழந்தனர்.