காங். தேர்தல் பொறுப்பாளர் பட்டியலில் அ.தி.மு.க. நிர்வாகி பெயர் ?

காங்கிரஸ் சார்பில் சட்டமன்ற தேர்தலுக்கான பொறுப்பாளர் பட்டியல் வெளியிடப்பட்டது. அதில் பொறுப்பாளர்களில் ஒருவராக ராதாபுரம் தொகுதியைச் சேர்ந்த கே .பி .கே .செல்வராஜ் பெயர் இடம்பெற்றுள்ளது. காங்கிரஸ் கட்சியில் இருந்து விலகி கடந்த சில ஆண்டுகளுக்கு முன்னர் அதிமுகவில் இணைந்தவர் கே பி கே செல்வராஜ், நெல்லை புறநகர் மாவட்ட சிறுபான்மை நல பிரிவு துணைச் செயலாளராக பொறுப்பு வகித்து வருகிறார். கடந்த நாடாளுமன்ற தேர்தலின்போது அதிமுக சார்பில் 33 பூத்துக்களுக்கு அவர் பொறுப்பாளராகவும் பணியாற்றினார். அவரது பெயர் காங்கிரஸ் பொறுப்பாளர் பட்டியல் இடம் பெற்றுள்ளது.கே.பி.கே.ஜெயகுமாருக்கு பதிலாக அவரின் சகோதரர் கே .பி .கே செல்வராஜ் பெயர் இடம்பெற்றுவிட்டதாகவும், அது திருத்தப்பட்டு புதிய அறிக்கை வெளியிடப்பட்டதாகவும் காங்கிரஸ் தமிழக தலைவர் கே.எஸ்.அழகிரி தெரிவித்துள்ளார்.