திருப்பூர் : மேம்பாலத்தில் இருந்து குதித்தவர் பேருந்து மீது விழுந்து உயிர் தப்பிய காட்சி

திருப்பூரில் மேம்பாலத்தில் இருந்து கீழே குதித்தவர், பேருந்து மேற்கூரையில் விழுந்ததால் உயிர் தப்பினார். இந்த காட்சி தற்போது சமூக வலைதளத்தில் வேகமாக பரவி வருகிறது. திருப்பூர் பழைய பேருந்து நிலையம் எதிரே உள்ள மேம்பாலத்தின் மீது நேற்று ஒருவர் 15 நிமிடங்களுக்கும் மேலாக நின்று கொண்டு இருந்துள்ளார். அவரது நடவடிக்கையை பார்த்த சிலர் அவரை செல்போனில் படம் பிடிக்கத் தொடங்கி உள்ளனர். இந்நிலையில், யாரும் எதிர்பாராதவிதமாக, அந்த இளைஞர் திடீரென கீழே குதித்துள்ளார். அவரது அதிர்ஷ்டம் கீழே அரசுப் பேருந்து ஒன்று அவ்வழியாக கடந்து சென்றுள்ளது. அந்த பேருந்தின் மேற்கூரை மீது விழுந்ததால் அந்த இளைஞர் லேசான காயங்களுடன் தப்பியுள்ளார்.