திருச்சியில் மாயமான இளைஞர் எரித்து கொலை

செங்குளத்தை சேர்ந்த தமிழழகன், கடந்த 7ஆம் தேதி முதல் காணவில்லை என பெற்றோர் பொன்மலை காவல்நிலையத்தில் புகார் அளித்துள்ளனர். இது குறித்து வழக்கு பதிவு செய்த போலீசார், தமிழழகனின் செல்போன் அழைப்புகளை ஆய்வு செய்தனர். மற்றொரு வழக்கில் நிபந்தனை ஜாமினில் வெளியே  வந்த அவரின் நண்பர் கார்த்திக்கிடம் விசாரணை செய்த போது, முன்னுக்குபின் பதிலளித்துள்ளார். சந்தேகம் அடைந்த போலீசார், கார்த்திக்கிடம் தீவிர விசாரணை நடத்தியதில் உண்மை அம்பலமாகியுள்ளது. முன்விரோதம் காரணமாக பிரபாகரன் என்பவரை கொல்லும் முயற்சி தோல்வியில் முடிந்துள்ளது. இது தொடர்பாக நண்பர்கள் இடையே ஏற்பட்ட வாய்தகராறு கைகலப்பாக மாறியுள்ளது. ஆத்திரம் அடைந்த நண்பர்கள் தமிழழகனை கொடூரமாக  எரித்து கொன்றதாக கார்த்திக் வாக்குமூலம் அளித்துள்ளார். அதன் அடிப்படையில், கார்த்திக், ஆட்டோ ஜெகன், மணிகண்டன் ஆகிய 3 பேரை பொன்மலை போலீசார் கைது செய்தனர். படம் பார்க்க சென்ற மகன் எரித்து கொல்லப்பட்ட தகவலை அறிந்த பெற்றோர் கதறி அழுதனர்.