கன்னியாகுமரியில் கனமழை பெய்து வருவதால் மீனவர்கள் கடலுக்குள் செல்லவில்லை

கன்னியாகுமரியில் பலத்த காற்றுடன் கூடிய கனமழை பெய்து வருவதால், நாட்டு படகு மீனவர்கள் கடலுக்கு செல்லவில்லை. சுமார் ஆயிரத்துக்கும் மேற்பட்ட கட்டுமர படகுகள் கரையில் நிறுத்தப்பட்டுள்ளன. குளச்சல் துறைமுகத்தில் கட்டி வைக்கப்பட்டிருந்த 2 கோடி ரூபாய் மதிப்பிலான  ரூபன் என்பவரின் விசைப்படகு கடலுக்குள் இழுத்து செல்லப்பட்டு மாயமானது. படகை தேடும் பணியில் மீனவர்கள் ஈடுபட்டுள்ளனர். அழகியமண்டபம், தக்கலை, முட்டம், கடியப்பட்டனம், குறும்பனை உள்ளிட்ட இடங்களில் பலத்த மழை பெய்து வருகிறது.