வெள்ளக்கோயில் சாமிநாதனுக்கு புதிய பதவி : தி.மு.க. உயர்நிலை செயல் திட்டக்குழு உறுப்பினராக நியமனம்

தி.மு.க. இளைஞர் அணி செயலாளராக உதயநிதி நியமிக்கப்பட்டதை அடுத்து, அந்த பதவியிலிருந்து விடுவிக்கப்பட்ட  வெள்ளக்கோயில் சாமிநாதனுக்கு புதிய பதவி வழங்கப்பட்டுள்ளது. இது தொடர்பாக தி.மு.க. பொதுச் செயலாளர் க. அன்பழகன் வெளியிட்டுள்ள அறிவிப்பில், தி.மு.க. உயர்நிலை செயல் திட்டக்குழு உறுப்பினராக  வெள்ளக்கோயில் சாமிநாதன் நியமிக்கப்படுவதாக தெரிவிக்கப்பட்டுள்ளது. இதேபோன்று தி.மு.க. இளைஞரணி இணைச் செயலாளராக பணியாற்றி வரும் சுபா.சந்திரசேகர், அந்த பொறுப்பிலிருந்து விடுவிக்கப்பட்டு திமுக சட்டதிட்ட திருத்தக்குழு உறுப்பினராக நியமிக்கப்படுவதாக குறிப்பிடப்பட்டுள்ளது.