"ஏழைகளுக்கு மருத்துவர்கள் சேவையாற்ற வேண்டும்" - வள்ளுவர் கூற்றை குறிப்பிட்டு ஆளுநர் பேச்சு

உலக மருத்துவர்கள் தினத்தை முன்னிட்டு சென்னை கிண்டியில் உள்ள ஆளுநர் மாளிகையில் மருத்துவ துறையில் சிறப்பாக செயல்பட்ட10 மருத்துவர்களுக்கு விருது வழங்கும் நிகழ்ச்சி நடைபெற்றது. இதில் சிறப்பு பேசிய தமிழக ஆளுநர் பன்வாரிலால், திருவள்ளுவர் கூறியது போல் மருத்துவர்கள் ஏழை மக்களுக்கு மருத்துவத்தை சேவையாக செய்ய வேண்டும் என்றார். எளிய குடும்பத்தில் பிறந்து நாட்டின் குடியரசுத் தலைவராக உயர்ந்த அப்துல்கலாம், நேரம் கிடைக்கும் போதெல்லாம் மாணவர்களுக்கு பாடம் எடுத்து அவர்கள் வாழ்வில் முன்னேற ஒரு சிறந்த வழிகாட்டியாக விளங்கியதாக குறிப்பிட்ட ஆளுநர், அதுபோல மருத்துவர்களும் விளங்க வேண்டும் என்றார்.