3 ஆண்டுகளாக திறக்கப்படாத விளையாட்டு மைதானம் : விரைவில் திறக்க விளையாட்டு வீரர்கள் வலியுறுத்தல்
ஊட்டியில் தேசிய தரத்தில் உருவாகிவரும் விளையாட்டு மைதானம் விரைவில் பணிகளை முடித்து திறக்கப்பட வேண்டும் என்று இளைஞர்கள் கோரிக்கை விடுத்துள்ளனர்.
மலைப்பகுதி மேம்பாட்டு திட்டத்தின் கீழ் ஊட்டியில் தேசிய தரத்தில் விளையாட்டு மைதானம் அமைப்பதற்கான பணிகள் கடந்த 2016 ஆம் ஆண்டு தொடங்கியது. சர்வதேச அளவில் விளையாட்டு வீரர்கள் தங்கி பயிற்சி பெறும் வகையில், விடுதி கட்டி முடிக்கப்பட்டுள்ளது. ஆனால், ஏழறை கோடி ரூபாய் மதிப்பில் உருவாக்கப்பட்ட இந்த மைதானம், சீரமைப்பு பணிகள் தொய்வினால், இன்னமும் திறக்கப்படாமல் உள்ளதாக தெரிகிறது. இதனால் ஏமாற்றம் அடைந்துள்ள விளையாட்டு வீரர்கள் விரைந்து திறக்க கோரிக்கை விடுத்துள்ளனர்.