"தி.மு.க வில் உழைப்பவர்களுக்கு உரிய மரியாதை கிடைக்கும்" - நலத்திட்ட உதவிகள் வழங்கி உதயநிதி ஸ்டாலின் பேச்சு

கருணாநிதியின் பிறந்தநாள் விழா மற்றும் மதுரவாயல் தொகுதி வாக்காளர்களுக்கு தி.மு.க. சார்பில் நன்றி தெரிவிக்கும் கூட்டம் சென்னை போரூரில் நடைபெற்றது. இதில் அக்கட்சி எம்.பி. டி.ஆர். பாலு, எம்.எல்.ஏ. ஜெ.அன்பழகன், உதயநிதி ஸ்டாலின் உள்ளிட்டோர் கலந்து கொண்டனர்.  நிகழ்ச்சியில் பேசிய உதயநிதி ஸ்டாலின், அரசியலில் வெற்றிடம் என்று  கூறி வந்த சில நடிகர்கள் தேர்தல் முடிவுக்கு பிறகு எங்கு சென்றார்கள் என்று தெரியவில்லை என்று கூறிய அவர், தி.மு.க.வில் உழைப்பவர்களுக்கு உரிய மரியாதை கிடைக்கும் என்றும் தெரிவித்தார். விழாவில் ஏழை எளிய மக்களுக்கு  பல்வேறு நலத்திட்ட உதவிகள் வழங்கப்பட்டன.