இடிந்த கட்டிடத்தில் செயல்படும் ரேஷன் கடைகள் : பொருட்கள் வாங்க வரும் பொதுமக்கள் அச்சம்

விருதுநகர் மாவட்டம், ராஜபாளையம் அருகே இடிந்த கட்டிடங்களில் ரேஷன் கடைகள் செயல்படுவதால் பொதுமக்கள் அச்சம் அடைந்துள்ளனர். அங்குள்ள நக்கனேரி, கிருஷ்ணாபுரம், முகவூர்  ஆகிய ஊர்களில் செயல்பட்டு வரும் ரேஷன் கடைகளின் கட்டிடம் மேற்கூரை பெயர்ந்து கம்பிகள் வெளியே தெரிகின்ற நிலையில் உள்ளதாகக் கூறப்படுகிறது. அதனால் அப்பகுதிகளில் வசிப்பவர்கள் ரேசன் பொருட்கள் வாங்க வருகையில்,  மேற்கூரை இடிந்து விழுமோ என்கிற அச்சத்துடன்  வாங்கிச் செல்வதாக கூறுகின்றனர். எனவே அசம்பாவிதம் ஏற்படும் முன்னர், ரேஷன் கடைகளுக்கு புதிய கட்டிடங்கள் கட்டித்தர வேண்டும் என்று  பொதுமக்கள் கோரிக்கை விடுத்துள்ளனர்.