தாடியை எடுத்து வர சொன்னதால் ஆத்திரம் : கல்லூரியில் மாணவன் தீக்குளிக்க முயற்சி

திருவொற்றியூர் பல்கலைக்கழக உறுப்பு கல்லூரியில் மூன்றாம் ஆண்டு படித்து வரும் நிரஞ்சனை, தலையில் அதிக முடியுடனும் முக சவரம் செய்யாமலும் தாடியுடன் கல்லூரிக்கு சென்றதால் கல்லூரி முதல்வர்  கண்டித்துள்ளார். இதனால் நிரஞ்சன், வீட்டிலிருந்து பெட்ரோல் எடுத்து கொண்டு கல்லூரி முதல்வர் அறை முன்பு தீக்குளிக்க முயன்றுள்ளார். உடனடியாக சக மாணவர்கள் மற்றும் ஆசிரியர்கள் அவரை தடுத்து அவர் மீது தண்ணீர் ஊற்றினர். தகவல் அறிந்த வந்த போலீசார் நிரஞ்சன் உள்ளிட்ட 3 மாணவர்களை காவல் நிலையத்திற்கு அழைத்து சென்று விசாரணை நடத்தினர். கல்லூரி வளாகத்தில் தீக்குளிக்க முயற்சி செய்தது மற்றும் பேராசிரியர்களை தரக்குறைவாக பேசியது தொடர்பாக வழக்கு பதிவு செய்த போலீசார் 3 பேரையும் கைது செய்தனர்.