6 மாதங்களுக்கு பிறகு சென்னையில் திடீர் மழை : வெப்பம் தணிந்ததால் மக்கள் மகிழ்ச்சி

சென்னை, காஞ்சிபுரம், கடலூர், திருவள்ளூர், வேலூர், திருவண்ணாமலை, விழுப்புரம், நாகப்பட்டினம், மதுரை, அரியலூர், பெரம்பலூர், திருச்சி மற்றும் புதுச்சேரியில் அடுத்த இரண்டு நாட்களுக்கு அனல் காற்று வீசும் என்று சென்னை வானிலை ஆய்வு மையம் தகவல் அளித்துள்ளது.அதே சமயம், தென்மேற்கு பருவமழை வலுவடைந்துள்ளதால்,  நீலகிரி, கோவை, ஈரோடு, சேலம், விருதுநகர், திண்டுக்கல் மற்றும் தேனி மாவட்டங்களில் அடுத்த 3 நாட்களுக்கு லேசான முதல் மிதமான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. சென்னையில், அதிகபட்ச வெப்ப நிலையாக 41 டிகிரி செல்சியசும் குறைந்தபட்ச வெப்பநிலை 31 டிகிரி செல்சியசும் பதிவாகும் என சென்னை வானிலை ஆய்வு மையம் கூறியுள்ளது.