மதுராந்தகம் அருகே இடி தாக்கி பெண் பலி

மதுராந்தகம் மற்றும் அதன் சுற்றுவட்டாரத்தில் வானம் மேகமூட்டத்துடன் காணப்பட்ட நிலையில், பெருவேலி கிராமத்தை சேர்ந்த செளமியா, சசிகலா, வைதேகி ஆகிய மூவரும்  மலையடிவாரம் பகுதிக்கு சென்றிருந்தனர். அப்போது எதிர்பாராதவிதமாக அவர்கள் மீது பலத்த சப்தத்துடன் இடி தாக்கியது. இதில் செளமியா சம்பவ இடத்திலேயே உடல் கருகி உயிரிழந்ததாக கூறப்படுகிறது. பலத்த காயமடைந்த சசிகலா, வைதேகி ஆகிய இருவரையும் கிராம மக்கள் மீட்டு செங்கல்பட்டு அரசு மருத்துவமனைக்கு அனுப்பி வைத்தனர். தகவலறிந்து வந்த போலீசார், செளமியாவின் உடலை மீட்டு பிரேத ப‌ரிசோதனை‌க்காக அனுப்பி வைத்தனர். பிளஸ் 2 முடித்துவிட்டு, கல்லூரியில் விண்ணப்பித்து உள்ள நிலையில் சௌமியா இடிதாக்கி இறந்த சம்பவத்தால் அக்கிராமமே சோகத்தில் மூழ்கியுள்ளது