சீருடையில் இருந்த போது காவலர் கைது : 5 லட்சம் இழப்பீடு வழங்க நீதிமன்றம் உத்தரவு

சீருடையில் இருந்தபோது சட்டவிரோதமாக கைது செய்யப்பட்ட காவல் உதவி ஆய்வாளருக்கு 5 லட்ச ரூபாயை இழப்பீடாக வழங்க உயர்நீதிமன்ற மதுரைக்கிளை உத்தரவிட்டுள்ளது. விருதுநகர் மாவட்டம் சூலக்கரை காவல் நிலையத்தில் காவல் உதவி ஆய்வாளராக பணியாற்றியவர் குமாரவேல். இவர் மீது எஸ்.பி. அலுவலக ஓட்டுனர் அளித்த புகாரின் பேரில், குமாரவேல் சீருடையில் இருந்த போது கைது செய்யப்பட்டு பிறகு பணியிடை நீக்கம் செய்யப்பட்டார். இதனை எதிர்த்து உயர் நீதிமன்ற மதுரை கிளையில் குமாரவேல் மனு தாக்கல் செய்தார். இதனை விசாரித்த நீதிபதிகள், சீருடையில் இருந்த காவலரை கைது செய்தது சட்டவிரோதம் என்றும், காவல் உதவி ஆய்வாளர் குமாரவேலுக்கு தமிழக அரசு 5 லட்சம் ரூபாய் இழப்பீடு வழங்க வேண்டும் என்றும் உத்தரவிட்டனர்.