இறந்த குட்டியை தூக்கிச் செல்லும் தாய் குரங்கு : குட்டி இறந்தது தெரியாமல் பாசத்துடன் தழுவுகிறது

குன்னூர்  - மேட்டுப்பாளையம் மலைபாதையில் குட்டி இறந்ததுகூட தெரியாமல் தாய் குரங்கு, அதனை தூக்கி கொண்டு அங்கும் இங்கும் அலையும் காட்சி காண்போரை கண்கலங்க செய்தது. குன்னூர் - மேட்டுப்பாளையம் சாலையில் செல்லும் பயணிகள் திண்பண்டங்களை குரங்குகளுக்கு வழங்குகின்றனர். இதனை சாப்பிட வரும் குரங்குகள் வாகனத்தில் அடிப்பட்டும், உடல் உபாதைகளிலும் உயிர் இழக்கின்றன. இந்நிலையில், கே.என்.ஆர் பகுதி அருகே குரங்கு குட்டி ஒன்று உயிர் இழந்தது. எனினும் இதனை அறியாத தாய் குரங்கு, குட்டியை தழுவிக் கொண்டு அங்கும் இங்கும் ஒடியது. இதனை காண்போர் மனம் கலங்கியது.