ஐ.பி.எல். சூதாட்ட வழக்கு : ஐ.பி.எஸ். அதிகாரி மீதான குற்ற மெமோ ரத்து - சென்னை உயர் நீதிமன்றம் உத்தரவு

ஐ.பி.எல். சூதாட்ட வழக்கில் சம்பந்தப்பட்டதாக, ஐ.பி.எஸ். அதிகாரி சம்பத் குமாருக்கு எதிராக குற்ற மெமோ பிறப்பிக்கப்பட்டது. இதை எதிர்த்து அவர் தாக்கல் செய்த மனுவை, மத்திய நிர்வாக தீர்ப்பாயம் தள்ளுபடி செய்து உத்தரவிட்டது. இந்த உத்தரவை எதிர்த்து சம்பத் குமார், சென்னை உயர் நீதிமன்றத்தில் மேல் முறையீடு செய்தார். இந்த மனு நீதிபதிகள் சசிதரன் மற்றும் ஆஷா அடங்கிய அமர்வு முன் விசாரணைக்கு வந்த போது, குற்ற மெமோ பிறப்பிக்கும் முன், தமிழக உள்துறையின் முன் அனுமதியைப் பெறவில்லை என்ற சம்பத் குமார் தரப்பில் வாதிடப்பட்டது. இந்த வாதத்தை ஏற்றுக் கொண்ட நீதிபதிகள், குற்ற மெமோவை ரத்து செய்து உத்தரவிட்டனர். உள்துறையிடம் முறையாக அனுமதியைப் பெற்று, மீண்டும் நடவடிக்கையை எடுக்க அனுமதியளித்தும் உத்தரவிட்டனர்.