வார்டுகளை பிரிப்பதில் குளறுபடி உள்ளன - தி.மு.க.

சென்னை மாநகராட்சி அலுவலக வளாகத்தில் நடைபெற்ற இந்த கூட்டத்தில் தி.மு.க., அ.தி.மு.க உள்ளிட்ட அங்கீகரிக்கப்பட்ட கட்சிகள் பங்கேற்றன. ஆலோசனை கூட்டத்திற்கு பிறகு செய்தியாளர்களிடம் பேசிய திமுக சட்டமன்ற உறுப்பினர் மா.சுப்பிரமணியன், வார்டுகளை பிரிப்பதில் பாலின குளறுபடி, ஜாதி வாரியான குளறுபடி போன்ற பல்வேறு குளறுபடிகள் இருப்பதாக தெரிவித்தார். மேலும், இது அனைத்தும் திட்டமிட்டு நடத்தப்படுகிறதா என்ற சந்தேகம் தங்களுக்கு இருந்ததால், மாநகராட்சி ஆணையரிடம் எதன் அடிப்படையில் இந்த மறுவரையரை செய்யப்பட்டுள்ளது என்ற விளக்கத்தை கேட்டதாக கூறினார். அது தொடர்பான முழு விவரமும் அனைத்து கட்சி அலுவலகங்களுக்கு அனுப்பப்படும் என மாநகராட்சி ஆணையர் உறுதியளித்ததால்,  விவரம் வந்த பிறகு முடிவு எடுக்கப்படும் என்று மா.சுப்பிரமணியன் கூறினார்.