நடிகர் சங்க தேர்தலில் புதிய அணி போட்டி
நடிகர் சங்க தேர்தலில் இயக்குனர் பாக்யராஜ், ஐசரி கணேஷ் தலைமையிலான புதிய அணி போட்டியிடுகிறது.
தென்னிந்திய நடிகர் சங்க தேர்தல் வரும் ஜூன் 23ஆம் தேதி நடைபெற உள்ளது. இதில் இயக்குனர் பாக்யராஜ், ஐசரி கணேஷ் தலைமையிலான புதிய அணி போட்டியிடுகிறது. நடிகர் சங்க தலைவர் பதவிக்கு பாக்யராஜூம் ஐசரி கணேஷ் பொது செயலாளர் பதவிக்கும், துணை தலைவர் பதவிக்கு குட்டி பத்மினி மற்றும் உதயா ஆகியோரும் போட்டியிட உள்ளனர். பூர்ணிமா பாக்யராஜ். சங்கீதா, ஆர்த்தி கணேஷ், காயத்ரி ரகுராம், ரஞ்சனி, சிவகாமி,
கே.ராஜன், பாண்டியராஜன், சின்னி ஜெயந்த், ரமேஷ் கண்ணா, ஷ்யாம், பரத், ஸ்ரீகாந்த், விமல், நிதின் சத்யா, அயூப் கான், மருதுபாண்டியன் ஆகியோர் செயற்குழு உறுப்பினர் பதவிக்கு போட்டியிட உள்ளனர். இந்த புதிய அணியின் பெயர் குறித்த அதிகாரப்பூர்வ அறிவிப்பு விரைவில் வெளியிடப்படும் என்றும் தெரிவிக்கப்பட்டுள்ளது.