பருவமழை பொய்த்ததால் மா சாகுபடி பாதிப்பு : தமிழக அரசு உதவிட, விவசாயிகள், தொழிலாளர்கள் கோரிக்கை

தர்மபுரி, கிருஷ்ணகிரி மாவட்டங்களில் 50 ஆயிரம் ஹெக்டர் பரப்பளவில், மா சாகுபடி செய்யப்படுகிறது. தற்போது, பருவமழை பொய்த்ததால், சாகுபடி பாதிக்கப்பட்டு, மா பழங்கூழ் அரவை தொழிற்சாலைகளுக்கு 4 லட்சம் டன்னாக இருந்த மா வரத்தானது, ஒரு லட்சம் டன்னாக குறைந்துள்ளது. இதனால் மா விவசாயிகள், அரவை தொழிற்சாலைகளில் நேரடியாகவும் மறைமுகமாகவும் செய்து வந்த தொழிலாளர்கள் என 3 லட்சம் பேர் பாதிக்கப்பட்டுள்ளனர்.  இதனிடையே, தொழிலாளர் நலன் காக்க, ஜிஎஸ்டி வரியை குறைக்க வேண்டும், அரசு பள்ளியில் பயிலும் மாணவர்களுக்கு சத்துணவுடன் சேர்த்து மாங்கூழ் வழங்க தமிழக அரசு ஆவணம் செய்ய நடவடிக்கை எடுக்கவேண்டும் என மாங்கூழ் உற்பத்தியாளர்கள் கோரிக்கை விடுத்துள்ளனர்.