ஆந்திர முதலமைச்சராக ஜெகன் மோகன் ரெட்டி பதவியேற்பு : தமிழக முதலமைச்சர் எடப்பாடி பழனிசாமி வாழ்த்து

ஆந்திர முதலமைச்சராக பதவியேற்று கொண்ட ஜெகன் மோகன் ரெட்டிக்கு தமிழக முதலமைச்சர் எடப்பாடி பழனிசாமி வாழ்த்து தெரிவித்துள்ளார். ஆந்திர மக்களுக்கு தமது தந்தை வழியில் ஜெகன் மோகன்ரெட்டி சேவையேற்றுவார் என்று தாம் நம்புவதாக முதலமைச்சர் வெளியிட்டுள்ள  பாராட்டு செய்தியில் குறிப்பிட்டுள்ளார். தமிழகமும் , ஆந்திராவும் பல நூற்றாண்டுகளாக நெருக்கமான கலாச்சார, பொருளாதார உறவுகளை கொண்டுள்ளதாகவும், அது இனி வரும் காலங்களிலும் தொடர வேண்டும் என்றும் முதலமைச்சர் எடப்பாடி பழனிசாமி தெரிவித்துள்ளார். இதே போல் ஒடிசாவில் 5 வது முறையாக முதலமைச்சராக பதவியேற்றுகொண்ட நவீன் நாய்க்கிற்கும் தமிழக மக்கள் சார்பாக வாழ்த்து தெரிவித்து கொள்வதாக  முதலமைச்சர் எடப்பாடி பழனிசாமி வெளியிட்டுள்ள வாழ்த்து செய்தியில் தெரிவித்துள்ளார்.