"ஸ்டாலினை போல் நாங்கள் பேச்சை மாற்றி பேச மாட்டோம்" - முதலமைச்சர் எடப்பாடி பழனிசாமி

திமுக தலைவர் ஸ்டாலினை போல் நாங்கள் அடிக்கடி பேச்சை மாற்றி பேச மாட்டோம் என்று முதலமைச்சர் எடப்பாடி பழனிசாமி கூறியுள்ளார். அரவக்குறிச்சி சட்டமன்ற தொகுதி அதிமுக வேட்பாளர் செந்தில்நாதனை ஆதரித்து பள்ளிப்பட்டியில் அவர் பிரசாரத்தில் ஈடுபட்டார். அப்போது பேசிய அவர், ராகுல் காந்தியை பிரதமர் வேட்பாளராக அறிவித்த ஸ்டாலின் தற்போது சந்திரசேகர ராவ்வை சந்தித்திருப்பது, தனது நிலைப்பாட்டில் இருந்து ஸ்டாலின் மாறுபடுவதாக குற்றஞ்சாட்டினார். தேர்தல் முடிவுகள் வெளிவரும் முன்னே இந்த சந்திப்பு, ஸ்டாலின் வேறு திசையில் செல்வதை காட்டுவதாகவும் அவர் கூறினார்.