அதிமுக எம்.எல்.ஏ. சத்தியா மீது வழக்குப்பதிவு - சென்னை உயர்நீதிமன்றம் உத்தரவு

அதிமுக எம்.எல்.ஏ. சத்தியா மற்றும் அவரது கணவர் பன்னீர்செல்வம் மீது, வழக்கு பதிவு செய்ய சென்னை உயர் நீதிமன்றம் உத்தரவிட்டுள்ளது. கடந்த மாதம் 4 ஆம் தேதி, பண்ருட்டி அருகே புதுப்பேட்டை அதிமுக அலுவலகத்தில் புகுந்து அதிமுக கட்சி நிர்வாகிகளை தாக்கியதாக சுரேஷ் என்பவர் வழக்கு தொடர்ந்தார். இந்த வழக்கில்,  பண்ருட்டி அதிமுக எம்.எல்.ஏ. சத்தியா உள்ளிட்ட 5 பேர் மீது கொலை முயற்சி உள்ளிட்ட 5 பிரிவுகளின் கீழ் வழக்கு பதிய உத்தரவிடப்பட்டுள்ளது. இவர்கள் மீது 4 வார காலத்திற்குள் வழக்கு பதிவு செய்ய வேண்டும் என்றும் கடலூர் மாவட்ட காவல்துறைக்கு சென்னை உயர்நீதிமன்றம் உத்தரவிட்டுள்ளது