துரை தயாநிதி நிறுவனத்தில் ரூ.40 கோடி சொத்துக்கள் முடக்கம்

சட்டவிரோதமாக கிரானைட் கற்களை வெட்டியெடுத்து அரசுக்கு  பெரும் இழப்பை ஏற்படுத்தியதாக  துரை தயாநிதி உள்ளிட்டோருக்கு சொந்தமான நிறுவனத்தின் மீது  பல வழக்குகள் தொடரப்பட்டு  விசாரணை நடைபெற்று வருவதாக அமலாக்கத்துறை வெளியிட்டுள்ள அறிக்கையில் தெரிவிக்கப்பட்டுள்ளது. இதையடுத்து அந்நிறுவனத்துக்கு சொந்தமாக மதுரை ,சென்னையில் உள்ள 25 அசையும் மற்றும் அசையா சொத்துக்கள் முடக்கப்பட்டுள்ளதாகவும், அவற்றின் மதிப்பு 40 கோடியே 34 லட்சரூபாய் என்றும் அந்த அறிக்கையில் குறிப்பிடப்பட்டுள்ளது.