ரூ.13 லட்சம் மதிப்புள்ள தங்கம் பறிமுதல்

சென்னை மீனம்பாக்கம் பன்னாட்டு விமான நிலையத்திற்கு வெளிநாட்டில் இருந்து வரும் விமானத்தில் தங்கம் கடத்தப்பட்டு வருவதாக விமான நிலைய சுங்க இலாகா அதிகாரிகளுக்கு தகவல் கிடைத்தது. இதையடுத்து சுங்க இலாகா அதிகாரிகள் தீவிரமாக கண்காணித்தனர். அப்போது சென்னைக்கு சிங்கப்பூரில் இருந்து விமானம் வந்தது. விமானம் தரையிறங்கி பயணிகளை  சுங்க இலாகா அதிகாரிகள் சோதனை செய்தனர்.இதில் சென்னையை சேர்ந்த சம்சுதீன் என்பவர், துணிகளுக்கு இடையே மறைத்து வைத்திருந்த 4 தங்க கட்டிகளை கண்டுபிடித்தனர். ரூ. 13 லட்சம் மதிப்புள்ள 400 கிராம் தங்கத்தை பறிமுதல் செய்த சுங்க இலாகா அதிகாரிகள் கடத்தல் பிண்ணனியில் உள்ளாவர்கள் குறித்து விசாரணை நடத்தி வருகின்றனர்.