ஸ்ரீபெரும்புதூர் தொகுதியில் போட்டியிடும் திமுக வேட்பாளர் டி.ஆர்.பாலு சொத்து மதிப்பு தாக்கல்

முன்னாள் மத்திய அமைச்சர் டி.ஆர். பாலு, ஒரு கிலோ 850 கிராம் தங்க நகைகள் உள்ளதாகவும்,ஒரே ஒரு டிராக்டர் மட்டும் உள்ளதாகவும்.வேறு ஏதும் கார்களோ, இரு சக்கர வாகனங்களோ இல்லை எனவும் தெரிவித்துள்ளார்.கையிருப்பு பணமாக ஒரு லட்சத்து 90 ஆயிரம் மட்டுமே உள்ளதாகவும் டி.ஆர். பாலு கூறியுள்ளார்.ஆறு வங்கிகளில் கணக்கு வைத்திருப்பதாகும், அவற்றில் 11 லட்சத்து 86 ஆயிரத்து 14 ரூபாய் இருப்பு உள்ளதாகவும்,முதல் மனைவியின் வங்கி இருப்பில், 3 லட்சத்து எட்டாயிரத்து 114 ரூபாய் உள்ளதாகவும் தெரிவித்துள்ளார்.வங்கிகளில் நிரந்தர வைப்பு நிதியாக தனது பெயரில் 13 லட்சத்து 72 ஆயிரத்து 908 ரூபாய் உள்ளதாக கூறியுள்ள டி.ஆர்.பாலு, தனது குடும்பத்திற்கு 18 கோடியே 51 லட்சத்து 14 ஆயிரம் ரூபாய் மதிப்பில் அசையா சொத்துகளாக நிலம் உள்ளிட்டவை உள்ளதாகவும்  தெரிவித்துள்ளார்.