மனைவியை மர்மநபர்கள் கொலை செய்ததாக புகார் - கணவன், மகன், மகளிடம் போலீசார் விசாரணை

தேவகோட்டை அருகே கண்ணங்கோட்டை இருளிவயல் கிராமத்தைச் சேர்ந்த பழனிக்குமார், காவல்நிலையத்தில் புகார் மனு ஒன்றை அளித்துள்ளார்.அதில், மகன் மற்றும் மகளுடன் வீட்டில் தூங்கிக் கொண்டிருந்த தனது மனைவி வசந்தாவை, மர்மநபர்கள் வெட்டிக் கொலை செய்து விட்டதாக தெரிவித்துள்ளார். நகைக்காக இந்த கொலை நடந்திருக்கலாம் என்றும் அவர் தனது புகார் மனுவில் குறிப்பிட்டுள்ளார்.இதையடுத்து, சம்பவ இடத்திற்கு சென்று ஏ.எஸ்.பி கிருஷ்ணராஜ் ஆய்வு செய்தார். மோப்ப நாய் லைக்கா, வரவழைக்கப்பட்டு விசாரணை நடத்தப்பட்டது. அப்போது வீட்டை விட்டு சிறிது தூரம் வெளியே ஓடிய மோப்ப நாய், மீண்டும் அதே வீட்டிற்குள் வந்து நின்றுள்ளது. இதனால், புகார் அளித்த பழனிக்குமார் மீது போலீசார் கவனம் திரும்பியுள்ளது. அவரிடம் போலீசார் தீவிர விசாரணை நடத்தி வருகின்றனர்