ஆணையர் தலைமையில் அவனியாபுரம் ஜல்லிக்கட்டு நடைபெறும் - நீதிமன்றம்

அவனியாபுரம் ஜல்லிக்கட்டு குழு பிரச்சினை தொடர்பான வழக்கு, இன்று மட்டும் 2-வது முறையாக உயர்நீதிமன்ற மதுரை கிளையில் விசாரணைக்கு வந்தது. அப்போது மாவட்ட ஆட்சியர், காவல் ஆணையர், காவல் கண்காணிப்பாளர் உள்ளிட்டோர் நீதிமன்றத்தில் ஆஜராகி விளக்கம் அளித்தனர். இதனை கேட்டறிந்த உயர்நீதிமன்றம், அவனியாபுரம் ஜல்லிக்கட்டை நடத்த ஒரு ஆணையரை நியமிக்க உள்ளதாக தெரிவித்துள்ளது. அந்த ஆணையர் தலைமையில் அவனியாபுரம் ஜல்லிக்கட்டு நடைபெறும் எனவும், ஆணையர் மற்றும் விழா குழுவினர் குறித்த விவரங்கள், பாதுகாப்பு மற்றும் இதர விவரங்கள் குறித்த விரிவான உத்தரவு இன்று மாலை பிறப்பிக்கப்படும் என்றும் உயர்நீதிமன்றம் உத்தரவிட்டுள்ளது. சுமூகமாக நடத்த முன்வராவிட்டால், அவனியாபுரம் ஜல்லிக்கட்டுக்கு தடை விதிக்க நேரிடும் என உயர்நீதிமன்ற மதுரை கிளை எச்சரிக்கை விடுத்துள்ளது.