13 வயது சிறுமிக்கு பாலியல் வன்கொடுமை - குதிரை ஓட்டும் இளைஞரை கைது செய்த போலீசார்

சென்னை மெரினா கடற்கரையில் 13 வயது சிறுமிக்கு பாலியல் வன்கொடுமை செய்த குதிரை ஓட்டும் இளைஞரை போலீசார் கைது செய்தனர். சென்னை பாடியை சேர்ந்த  13 வயது சிறுமி தனது தோழியுடன் மெரினா கடற்கரைக்கு சென்றுள்ளார். வீட்டுக்கு வந்த சிறுமியின் நடவடிக்கையில் மாற்றம் தெரிந்ததை கண்டு அவரது தாய் விசாரணை நடத்தினார். அப்போது குதிரை ஓட்டும் இளைஞர் ஒருவர் தன்னிடம் தகாத முறையில் நடந்து கொண்டதாக சிறுமி கூறியதை தொடர்ந்து திருமங்கலம் காவல் நிலையத்தில் புகார் அளிக்கப்பட்டது. இதையடுத்து சிறுமியை பாலியல் வன்கொடுமை செய்த குதிரை ஓட்டும் செல்வம் என்ற இளைஞரை போலீசார் போக்சோ சட்டத்தின் கீழ் கைது செய்தனர்.