கொடைக்கானல் அருகே நடந்த சபாத் நிகழ்ச்சி

திண்டுக்கல் மாவட்டம் கொடைக்கானல் வட்டக்கானல் பகுதியில் நிலவும் தட்ப வெப்பநிலை வெளிநாட்டு சுற்றுலா பயணிகளை அதிகம் ஈர்க்கிறது. நவம்பர், டிசம்பரில் இஸ்ரேலிய சுற்றுலா பயணிகள் அதிக அளவில் இங்கு வரும் நிலையில், சபாத் என்னும் சிறப்பு வழிபாடு வெள்ளிக் கிழமைகளில் இங்கு நடைபெற்று வருகிறது. நேற்று சபாத்  நிகழ்ச்சி யாக்கோப் பெஸ்சி தலைமையில் நடைபெற்றது. இதில் பங்கேற்ற யூதர்கள், ஹீப்ரூ மொழியில் பாடல்கள் பாடியபடி நடனம் ஆடியும், பல்வேறு சிறப்பு உணவுகளை பரிமாறியும் பிரார்த்தனையில் பங்கேற்றனர்.