காமராஜர் பல்கலைகழகத்தில் மாணவிக்கு பாலியல் தொல்லை...
மதுரை காமராஜர் பல்கலைக்கழகத்தில் துறைத் தலைவர் பாலியல் தொல்லை கொடுப்பதாக, கேரளாவை சேர்ந்த மாணவி, புகார் அளித்த விவகாரம் அதிர்ச்சியை ஏற்படுத்தியுள்ளது.
* மதுரை காமராஜர் பல்கலைக்கழகத்தில் திரைப்படம் மற்றும் மின்னணு ஆய்வு மையத்தில் பி.எச்.டி ஆராய்ச்சி படிப்பு படித்து வருகிறார், கேரளாவைச் சேர்ந்த மாணவி. பல்கலைகழக பதிவாளரிடம் அவர் அளித்த புகார் மனுவில், தன்னை பி.எச்.டி பட்டத்தை பெறவிடாமல் துறைத் தலைவர், கடந்த ஒரு வருடமாக பாலியல் ரீதியாக தொடர்ந்து துன்புறுத்துவதாகவும், இதனால் மன உளைச்சலுக்கு ஆளானதாகவும் கூறியுள்ளார்.
* 2 லட்சம் ரூபாய் பணம் லஞ்சம் கொடுத்தும் மேலும் பணம் கேட்டு மிரட்டுவதாகவும் அவர் தெரிவித்துள்ளார். துணைவேந்தரை தனியாக சந்திக்க வேண்டும் என தன்னை வற்புறுத்துவதாகவும் அந்தப் பெண் புகார் மனுவில் கூறியுள்ளார். இதுதொடர்பாக மாவட்ட கல்வி அதிகாரி மற்றும் ஆட்சியரிடமும் கேரள மாணவி புகார் அளித்துள்ளார்.