டாஸ்மாக் மேற்பார்வையாளரை தாக்கி பணம் கொள்ளை : 4 பேர் கும்பலுக்கு வலை

திருச்சி மாவட்டம், வளநாடு அருகே வெள்ளையக்கோன்பட்டியில் டாஸ்மாக் கடை மேற்பார்வையாளரை, அரிவாளால் வெட்டி  விட்டு, இரண்டரை லட்ச ரூபாய் பணத்துடன் இருசக்கர வாகனத்தில் தப்பிய 4 பேர் கும்பலை போலீசார் தேடி வருகின்றனர். நேற்றிரவு டாஸ்மாக் கடையை பூட்டிவிட்டு, இரண்டரை லட்ச ரூபாய் பணத்துடன் விற்பனையாளர் செல்வத்தை அழைத்துக்கொண்டு மேற்பார்வையாளர் மகேந்திரன் இருசக்கர வாகனத்தில் சென்றுள்ளார். அப்போது ஹெல்மெட் அணிந்தபடி வந்த 4 பேர்  கும்பல், மகேந்திரனை கட்டையால் தாக்கியதும், செல்வம் அங்கிருந்து தப்பி ஓடினார். தொடர்ந்து அந்த கும்பல், மகேந்திரனை அரிவாளால் வெட்டி பணத்தை பறித்துக்கொண்டு தப்பி ஓடியது. இதில் படுகாயமடைந்த மகேந்திரன் மணப்பாறை அரசு மருத்துவமனையில் சிகிச்சை பெற்று வருகிறார்.