உடல் உறுப்பு தானம் செய்பவர்களின் குடும்பத்தினருக்கு அரசு வேலை, வீடு வழங்க பரிசீலனை - அமைச்சர் விஜயபாஸ்கர்

உடல் உறுப்புகளை தானம் செய்பவர்களை ஊக்குவிக்கும் வகையில், அரசு வேலை - இலவச வீடு வழங்க பரிசீலனை செய்யப்பட்டு வருவதாக சுகாதாரத்துறை அமைச்சர் விஜயபாஸ்கர் தெரிவித்துள்ளார்.  மத்திய சுகாதாரத்துறை சார்பில் புதுடெல்லியில் நடைபெற்ற விழாவில் பங்கேற்ற பின் செய்தியாளர்களிடம் பேசியபோது, அவர் இந்த தகவலை வெளியிட்டார்.

இதனிடையே, உடல் உறுப்பு தானத்தில், நாட்டிலேயே தமிழகம் முதலிடம் பிடித்துள்ளது. இதன் மூலம் 4 - வது முறையாக தமிழகம், இந்த விருதை தக்க வைத்துக்கொண்டுள்ளது. டெல்லியில் நடந்த விழாவில் மத்திய சுகாதாரத்துறை இணை அமைச்சர்கள் அஸ்வினி குமார், அனுப்பிரியா பட்டேல் ஆகிய இருவரும் வழங்கிய விருதை அமைச்சர் விஜயபாஸ்கர் பெற்றுக்கொண்டார்.