புயலால் பாதிப்படைந்த பகுதிகளில் அமைச்சர் கருப்பண்ணன் ஆய்வு

புதுக்கோட்டை மாவட்டத்தில் கஜா புயலால் பாதிக்கப்பட்ட அறந்தாங்கி, களப்பக்காடு, நாகுடி,  மணமேல்குடி, கண்டிச்சங்காடு உள்ளிட்ட பகுதிகளை அமைச்சர் கருப்பணன் பார்வையிட்டார்.  பின்னர் வீடுகளை இழந்தவர்களுக்கு ஆறுதல் கூறிய அமைச்சர், ஒவ்வொருவருக்கும் நிவாரண உதவிகளை வழங்கினார். அப்போது, மதிய உணவு சாப்பிடாததால், அங்குள்ள டீக்கடையில் அமைச்சர் தேநீர் அருந்தி விட்டு ஆய்வு பணியை தொடர்ந்தார். ஒரு சில பகுதிகளில், அமைச்சர் கருப்பணனிடம், பொதுமக்கள் தங்களது கோரிக்கை மனுக்களை அளித்தனர். குறைகளை கேட்டறிந்த அமைச்சர், அதனை சரி செய்ய அதிகாரிகளுக்கு உத்தரவிட்டார்.