துப்பாக்கி முனையில் 150 சவரன் கொள்ளை : பட்டப்பகலில் நடைபெற்ற சம்பவம்

திருவாரூர் மாவட்டம், பொதக்குடியில் பட்டப்பகலில் தாய், மகளை  துப்பாக்கி முனையில் மிரட்டி, 150 சவரன் தங்க நகை, ஒரு லட்சம் ரூபாய் கொள்ளை அடிக்கப்பட்டது.

துபாயில் பணி புரியும் தமீம்முன் அன்சாரி என்பவரது வீட்டில், அவரது மனைவி சம்சாத் பேகம், மகள் ஜாஸ்மின் முன்னிலையில் இந்த கொள்ளை சம்பவம் நடைபெற்றது.  அப்போது, பணிப்பெண் ஸ்வேதா வீட்டின் பின்புறம் குளித்துக் கொண்டிருந்தார். இந்நிலையில், கூத்தாநல்லூர் காவல்துறையினர், அருகிலிருந்த வீடுகளில் பதிவான சி.சி.டி.வி. காட்சிகளை ஆராய்ந்து வருகின்றனர். கொள்ளையர்கள் 5 பேர் ஒரு காரில் வருவதும், 3 பேர் வீட்டினுள் நுழைவதும் பதிவாகியுள்ளது. இதனைக் கொண்டு, காவல்துறையினர், தனிப்படை அமைத்து, தேடுதல் வேட்டை நடத்தி வருகின்றனர்.