தூத்துக்குடி துப்பாக்கி சூடு சம்பவ வழக்கு விசாரணை - ஆவணங்களை சேகரிக்கத் தொடங்கியது சி.பி.ஐ.

தூத்துக்குடி ஸ்டெர்லைட் போராட்டம் தொடர்பாக சி.பி.ஐ. விசாரணை தொடங்கியுள்ளது. நேற்று தூத்துக்குடியில் உள்ள நான்கு காவல் நிலையங்கள், 2 துணைக் கண்காணிப்பாளர் அலுவலகங்கள் மற்றும் மாவட்ட காவல் கண்காணிப்பு அலுவலகத்தில் இருந்த, ஸ்டெர்லைட் போராட்டம் தொடர்பான ஆவணங்களை மத்திய புலனாய்வு துறையினர் சேகரித்துள்ளனர். இந்த வழக்கு தொடர்பாக, தேவையான ஆவணங்களை தாக்கல் செய்யவும் மாவட்ட ஆட்சியருக்கு, மத்திய புலனாய்வுத்துறை கோரிக்கை விடுத்துள்ளது.