முக்கொம்பு கொள்ளிடம் மேலணையில் 9 மதகுகள் உடைந்தன...

திருச்சி மாவட்டம் முக்கொம்பில் கொள்ளிடம் ஆற்றின் குறுக்கே ஆங்கிலேயர் காலத்தில் கட்டப்பட்ட பழமையான மேல் அணை பாலம் உள்ளது. அப்பாலத்தில் இருசக்கர வாகனங்கள்  மற்றும் பொது மக்கள் நடந்து செல்ல மட்டுமே அனுமதிக்கப்பட்டது. இந்நிலையில் காவிரி ஆற்றில் பெருக்கெடுத்து ஓடும் வெள்ளம் காரணமாக 45 மதகுகளை கொண்ட முக்கொம்பு கொள்ளிடம் மேல் அணையில்  9 மதகுகளும்,  பாலத்தின் ஒருபகுதியும்  நேற்றிரவு திடீரென உடைந்து தண்ணீரில்  அடித்து செல்லப்பட்டது. இதனால் மதகுகள் உடைந்த பகுதியில் அதிக அளவு தண்ணீர் ஆர்ப்பரித்து ஓடுகிறது.