"உனக்கெல்லாம் அறிவு இருக்கா? இல்லையா?" -பஸ்ஸில் தொங்கி பயணம் செய்த மாணவர்களை அடித்து துவைத்த பெண்..!

குன்றத்தூர் அருகே அரசு பேருந்தில் தொங்கியபடி பயணம் செய்த மாணவர்களை, பெண் ஒருவர் போலீஸ் என கூறி, அடித்து இறக்கி விட்ட வீடியோ, சமூக வலைதளங்களில் பரவி வருகிறது.

போரூரிலிருந்து குன்றத்தூர் நோக்கி சென்று கொண்டிருந்த அரசு பேருந்தில் பள்ளி மற்றும் கல்லூரி மாணவர்கள் படிக்கட்டில் தொங்கிய படியும், பஸ் கூரை மீது ஏறி நின்றபடியும், பயணம் செய்தனர்.

இதனை பார்த்த பின்னால் வந்த பெண் ஒருவர் தனது செல்போனில் வீடியோ எடுத்துள்ளார். பஸ், பேருந்து நிறுத்தம் வந்தவுடன் கீழே இறங்கிய அந்த பெண், ஓட்டுனரிடம் போலீஸ் என கூறி விட்டு அவரை திட்டியதாக கூறப்படுகிறது. பின்னர், படிக்கட்டில் நின்று கொண்டிருந்த பள்ளி மற்றும் கல்லூரி மாணவர்களை அடித்தபடியும், திட்டியபடியும் கீழே இறக்கி விட்டார். இந்த வீடியோ பரவி வருகிறது.